السلام عليكم ورحمة الله وبركاته
اهلاً وسهلا بكل محبى اللغات وخاصة محبى اللغة التركية
هنا فى قسم المسلسلات هنتعلم كذا حاجه
النقطة الاولى : اننا هنتمى الاستماع كويس اوى واللى اتفقنا ان اسمه باللغة التركية Dinleme
لان انواع المسلسلات التركية المختارة فى القسم دا هى مسلسلات بسيطه ومش معقدة يعنى نقدر نقول عليها
مسلسلات تمثل حياتنا اليوميه فدا مهم اننا نستفيد منه برضوا فى جانب المحادثه
ونكون مطلعين اول باول على الكلام المستخدم والمنتشر بينهم عشان لما نستخدمه نكون مطمنين اننا بنستخدم
كلمات او مصطلحات مستخدمه بالفعل
النقطة التانيه: واللى كتير منا بيدورعليها هى ان يكون نطق الممثلين واضح لان اللى متابع مسلسلات هيلاقى
ان فى لكنات كتيره جدااا فى المسلسلات صحيح كلها تحت بند اللغة التركيه لكن ممكن نصادف لكنات مختلفه على
ودننا زى بالضبط عندنا لو حد نزل الصعيد صحيح دا عربى بس فى كلام مش هنفهمه نفس الوضع لباقى
المحافظات عشان كدا حاولنا نجمع المسلسلات اللى نطق الممثلين فيه واضح لاى حد حابب يتعلم اللغة فى البدايه دا هيساعده كتير
النقطة الثالثة: اللى هنستفيد منها هى الترجمه برضوا ورانا ورانا الترجمه دى هههههه المره اللى فاتت اتكلمنا على اغنيه عربيه مترجمه للغة التركية
وقلنا ان الاهميه القصوى هى لحد بيتعلم اللغة العاميه المره دى لا الاستفاده الكبرى لينا احنا لمحبى
اللغة التركيه العدل مطلوب برضوا هههه واللى مشفش فيديو المره اللى فاتت اللينك اهو
اغنية حسين الجسمى لقيت الطبطبه
☝☝☝☝
النقطة الرابعة: واللى بالنسبالى اهم نقطه واتطلبت مننا كثير وهى اننا نحاول نترجم المسلسل باللغة العرببه
واللغة التركية ودا بالفعل اللى فى الفيديو بتاع انهارده وبالتالى كدا يكون الطالب او محبى اللغة التركيه قدر من فيديو واحد انه يطور اكثر من جانب فى اللغة
تعالوا نشوف فيديو انهارده او مسلسل انهارده ايه هو اسم المسلسل التفاحه الممنوعة
مسلسل Yasak Elma
المسلسل دا مكون من 3 اجزاء وكوميدى وخفيف وحقق نجاح كبير جدا انصحكم فعلا بمتابعته هتتعلموا كتير جدا من حيث اللغة
Alihan ve Zeynep الموسم الاول من المسلسل كانت فكرته قائمه على زينب وعلى خان
والقصه اللى كلنا عارفينها مدير قاسى وصعب ومعندوش اى رحمه مع الموظفين وسكرتيرته اللى كلها حنان
وتعاطف ومن هنا بدات قصه حبهم موقف مع موقف بدوا يحبوا بعض
وقصص كتير ومشاكل اتعرضوا ليها لحد ما اتجوزوا كدا الموسم الاول الموسم الثانى والثالث عن خالد
وعلاقاته النسائيه الكتيره وان كل واحده تتجوزه عشان فلوسه بس هو ناصح جدا وواعى للنقطه دى لكن مراته الثانيه
اندر بتحاول انها تخلص منه بس بذكا فقررت انها تتفق مع واحده اسمها يلديز انها تحاول توقع خالد فى
غرامها ومن هنا تقدر ترفع عليه قضيه انه بيخونها وتروح هى للشخص اللى بتحبه بلاش نحرق احداث اكثر من كدا ههههه
تعالوا نشوف فيديو انهارده عن خطه عملتها اندر مرات خالد الثانيه مع يلديز ونشوف ايه
اللى هيحصل مين اللى هيكسب يلديز ولا اندر ولا خالد
الحوار
 |
| التفاحة الممنوعة |
تعليقات
إرسال تعليق