السلام عليكم ورحمة الله وبركاته
اهلاً وسهلا بكل محبى اللغات وخاصة محبى اللغة التركية
هنا فى قسم الامثال الشعبية او ما يدعى فى اللغة التركية Atasözleri
هنتعرف على الامثال الشعبية التركية المستخدمة بشكل يومى وايه معناها وامتى استخدمها
المقال اللى فات اتكلمنا قد ايه المصطلحات التعبيريه مهمه وقلنا اهميتها من حيث الكلمات اللى هنتعرف عليها
لان فى كلمات فى الكلام العادى بيكون ليها معنى لكن فى مصطلح تعبيرى او مثل شعبي بنتكتشف ان ليها معنى تانى خالص
والموقف المستخدمه فيه كمان مختلف تماما فدا جانب مهم لازم نعرفه ودى مهمه الامثال الشعبية
واتكلمنا كمان وقلنا لو حد حابب انه يشتغل مترجم ادراكه للامثال الشعبيه هيساعده كثير فى الترجمه
لانه فاهم هما قصدهم ايه فى الموقف دا فهيقدر يعبر باسلوبه لكن عن فهم مش زى مثلا بعض المترجمين بيكتبوا المعنى الحرفى لكن مش فاهمين ايه المعنى المقصود
وبالتالى انا كمشاهد بكون مش فاهم ايه اللى جاب الكلام دا لدا ودا طبعا بياثر على المترجم مستقبليا
برضوا ان معرفه الامثال الشعبية او المصطلحات هيفيد فى المحادثة لما نتكلم مع الاتراك فى محادثه ما استخدامنا للامثال الشعبيه او المصطلحات التعبيريه
فى مواقفها السليمه وبشكل دقيق دا هيدى انعكاس قوى جدا للشخص التركى اللى قدامك انك متمكن من اللغة بشكل كويس جدا
وبالتالى دا هيديك ثقه فى نفسك اكثر وهيريح الشخص اللى بيتكلم معانا انه يكمل كلام اكثر مش لما يلاقينا عند كل كلمه غريبه بنقوله مش فاهمين ايه دا
لوحده كدا مش هيكمل معنا الكلام ودا طبعا مش عايزينه باختصار معرفة المصطلحات التعبيريه او الامثال الشعبية مهمة جدااا
ودا لينك المصطلح التعبيرى اللى فات لو حابين تتعرفوا عليه
☝☝☝☝
تعالوا نتعرف سوا على المثل الشعبى الخاص بانهارده
Eğri Otur Doğru Konuş مثل شعبى
المعنى الحرفى او ترجمته هى هى اللى احنا بنستخدمها عندنا فى العربى مفيش اى اختلاف اقعد عوج واتكلم عدل
طيب استخدمه امتى ؟
توضيح او شرح المثل كالتالى: انك حر فى اللى هتلبسه بنطلون طويل قصيرجيب طويله قصيره براحتك
محدش ليه دخل اصلا وبرضوا طريقه وقفتك مشيتك اى حاجه ليها علاقه بيك انت وتهمك انت محدش ليه دخل
ان كنت بتتصرف فى الموضوع الفلانى دا غلط او صح طريقه شغلك مثلا وازاى بتدير الشغل دا
لكن كذبك هو دا اللى بيقفوا عليه بيركزوا فيه خصوصا لو كذب خاص بمجتمع خاص بمواضيع اكبر منك انت
او مواضيع ملهاش علاقه بيك او مثلا تعديك الحدود وانت بتتكلم اوانك تتلفظ بلفظ ممكن تندم عليه بعد كدا
عشان كدا محتاجين نركز فى الكلام كويس اووى قبل ما نقوله وبلاش كلام كتير لانه اكيد بيعرضنا لمواقف بايخه وممكن ساعتها نكذب او نقول كلام غلط
وبالتالى هنا نبدا نستخدم المثل الشعبى دا مع الشخص اللى لاحظنا فى كلامه شئ غير صحيح او بيكذب
:) وبس كدا اسيبكم مع الامثلة Görüşürüz :)
تعليقات
إرسال تعليق