السلام عليكم ورحمة الله وبركاته
اهلاً وسهلا بكل محبى اللغات وخاصة محبى اللغة التركية
هنا فى قسم المصطلحات التعبيرية او ما يدعى فى اللغة التركية Deyimler
هنحاول نتعرف على اغلب المصطلحات اللى بيستخدمها الاتراك بشكل يومى وايه معناها والمواقف اللى ممكن اقولها فيه
طيب انا لما اعرف المصطلحات دى انا هستفاد ايه ؟
طبيعى هتستفاد كتير اولا : هتنمى خزينه الكلمات اللى عندك دى اول حاجه واهم حاجه بمعنى ان فى كلمات بنكون عارفين ان لها معنى معين وثابت
بس فجاه يصادفنا مصطلح معين فيه نفس الكلمه اللى احنا عارفينها بس بمعنى مختلف تماما وبتستخدم كمان فى موقف مختلف
ثانى حاجه : هتنمى المحادثة عندك وبدل ما نفضل نترجم فى مخنا الكلام من العربى للتركى
وفى الاغلب بيكون غلط لا انت لما تعرف المصطلحات دى كويس وتستوعبها هتلاقى نفسك لوحدك كدا
بتتكلم عادى زى الاتراك من كثر ما انت خلاص دماغك بدات تفكر زيهم عرفت انهم فى الموقف الفولانى بيقولوا كذا
ثالثا حاجه: لو انت حابب تشتغل فى مجال الترجمة معرفتك للمصطلحات هيساعدك كتير لانك هتكون فاهم هما قالوا كذا فى الموقف الفلانى فمعناها كذا
:) يلا بينا بقه نشوف مصطلح اليوم بيتكلم عن ايه واستخدمه امتى :)
Dayak Yedim مصطلح انهارده اسمه
يعنى ايه المطصلح دا يعنى خدت علقه موت
فاكرين فيلم علاء ولى الدين الله يرحمه لما قال كابتن كابتن هى كله ضرب ضرب مفيش شتيمة ههههههه
هنا نفس المعنى الضرب المبرح او الشديد وعلى فكره بتساوى كلمة Dövülmek
طب كدا عرفنا المعنى بيستخدم امتى بقه
فى مواقف مثلا خناقه فى الشارع او فى المدرسة او فى اى مكان ممكن كمان موقف يحصل فى البيت ودا عندنا كلنا
اهلنا مثلا لو عملنا حاجه غلط فيمسكونا المسكه التمام وانتو عارفين الباقى بقه بلاش اكمل هههههه هنا برضوا نقدر نقول نفس المصطلح دا
ملحوظة :الفعل هنا متصرف يعنى مع الضمير انا انت لو حابب تقول على اى ضمير تانى طبعا تقدر تصرفها على حسب الضميروتستخدم عادى
يعنى اصل المصطلح هو Dayak Yemek
:) وبس كدا اسييبكم مع الامثلة GÖRÜŞÜRÜZ :)
تعليقات
إرسال تعليق