السلام عليكم ورحمة الله وبركاته
اهلاً وسهلا بكل محبى اللغات وخاصة محبى اللغة التركية
هنا فى قسم الامثال الشعبية او ما يعرف باللغة التركيه Atasözleri
هنتعرف على الامثال الشعبية التركية المستخدمه بشكل يومى واى معناها وامتى استخدمها ؟
ناس كتيره بتقول ايه المهم او ايه المفيد فى معرفه الامثال الشعبيه عادى مش انا بتكلم تركى خلاص مش محتاج اتعمق اوى كدا
هنا اقدر اقوله لا بالعكس لان الامثال او المصطلحات التعبيريه جزء اساسى من كلامهم
والدليل على كدا لو بنشوف مسلسلات هنلاقى على طول كلامهم عباره عن كلام عادى
بس ممزوج معاه مثل شعبى او اثنين ومعاهم برضوا كام مصطلح يعنى الكلام كله مكون من كذا ركن مش بس كلام عادى
وبعدين ادراكك لاكبر كم ممكن من اللغة دا شئ كويس جدا لك سواء كنت طالب او حابب اللغة
يعنى لو انت طالب يبقى انت بتاهل نفسك ولدرجه كبيره كمان انك تشتغل باللغة
مش مثلا تروح تقدم على شغل ويلاحظوا ان كلامك بسيط وبالعافيه تقدر تكون جمله بسيطه او اثنين
مش معنى كدا ن الناس اللى مش عارفه مصطلحات دى مش هتشتغل
لا اقصد بكلامى دا انك لما تزود كلامك باكثر من مصدر دا هيفيدك وهيميزك جدا
خصوصا لو اللى بيعمل معاك المقابله من بره مصر فدا هيرشحك اكثر للوظيفه
لانه هيلاحظ انك مطور لغتك بنسبه لا تقل عن 80-90 بالميه ودى نسبه حلوه اوى
:) كفايا رغى ونشوف بقه مثل انهارده عن ايه :)
لو حابين تشوفوا اى المثل اللى اتكلمنا عنه المره اللى فاتت اللينك اهو
مثل شعبى اقعد عوج واتكلم عدل
مثل انهارده بقه مستعدين ههههه
مثل شعبى Önce can sonra canan
المعنى : انت اولا ثم الاخرين يعنى ايه انت اولا ثم الاخرين مش مفهومه صح
تعالو نشوف الشرح ايه او امتى يستخدم ؟
معناها الروح طبعا كل انسان فينا روحه مهمه وغاليه كمان عليه مش من السهل انه يضحى بيها CAN كلمة
او انه حتى يتهاون فى انه يعرض روحه للاذى او للضررمهما كانت الظروف لان مفيش اغلى من روح الانسان
عشان كدا قبل ما يقدم اى واحد فينا على تضحيه كبيره لازم يفكر كويس جدا فى التضحيه دى وقد ايه ممكن تاثر عليه وعلى روحه
صحيح اهلنا واحبابنا واقاربنا مهمين بس مهما كانت درجه اهميتهم اكيد مش هتكون اهم من روحنا
ساعات بيحصل اننا نقول لاء دول اهلنا واحبابنا ايه المشكله نتساهل المره دى المره دى مش هتفضل مره واحده لا هتستمر على طول وهيبقى حق
وهنفضل احنا الطرف الخسران على طول عشان كدا هنا دايما بيستخدموا الاتراك المثل دا اللى هو فكر فى نفسك الاول وفى مصلحتك
وفى اللى هيسعدك انت وبعدين اهلك واحبابك المهم انك تكون رقم واحد فى التفكير مش الرقم الاخير
لان الروح مفيش اغلى منها صحيح دا بيظهر ان الانسان انانى بس انانى احسن من انى اكون مغفل وعلى طول الناس تستغل طبتى عشان مصالحهم
تعليقات
إرسال تعليق